Tragjedi në bregun pranë Ishujve Kanarie, shtatë emigrantë nga Afrika humbën jetën
publikuar nga Xhensila Buba, ne #Euronews. ora 20:55
Shtatë emigrantë, përfshirë fëmijë nga Afrika Perëndimore, vdiqën pasi varka e tyre u përmbys vetëm pak metra larg bregut në Ishujt Kanarie të Spanjës dhe u varrosën në Restringa.
Dy vajza pesëvjeçare dhe një djalë gjashtëmbëdhjetë vjeç ishin midis të vdekurve, thanë shërbimet e emergjencës.
Një varkë që transportonte emigrantë u përmbys ndërsa ekipet e shpëtimit e shoqëruan atë në portin e La Restringa në ishullin Ijero të mërkurën, raporton Reuters.
”Dëgjova britma dhe nuk hezitova.” "Si çdo qytetar që përballet me një emergjencë ose aksident, hipa në makinë, nxitova drejt vendit ku ishte varka dhe ndihmova sa më shumë që munda”, tha Javier Iglesias, një banor i Restringës, në një funeral ku morën pjesë të mbijetuar migrantë.
Numri i migrantëve që mbërrijnë në Ishujt Kanarie nga Afrika Perëndimore arriti një nivel rekord në vitin 2024, por numri i mbërritjeve ka rënë këtë vit, sipas të dhënave nga Ministria e Brendshme e Spanjës.
Në pesë muajt e parë të vitit 2024, 4,808 njerëz vdiqën në rrugën Atlantike për në Ishujt Kanarie pasi u larguan nga Afrika, sipas grupit për të drejtat e migrantëve Walking Borders.