Beshiktashi nuk është i gatshëm që të paguajë miliona euro për Kristjan Asllanin. Gazetari turk, Jagiz Sabunçullu, konfirmoi se Asllani është pjesë e listës së lojtarëve që trajneri Sergen Jalçin nuk i ka në plan për edicionin e ardhshëm.
Jalçin ishte pikërisht ai që e kërkoi Asllanin te Beshiktashi. 24-vjeçari i Kombëtares duket se nuk bindi gjatë kësaj kohe, edhe pse është preferuar si titullar.
Asllani do të kthehej kështu tek Interi. Mesfushori nuk shfaqet as në planet e zikaltërve, që mund ta huazojnë sërish nëse nuk vjen oferta e duhur për blerjen e kartonit.
Një sezon mjaft i vështirë e shoqëroi Asllanin. Kujtojmë se në pjesën e parë të edicionit ishte i huazuar te Torino.
-
-
-
-
-
-
-