By Besnik I ftuar në emisionin “Review” me Greta Topjanën, gazetari Reldar Dedaj komentoi zhvillimet e fundit politike në vend, përfshirë votimin e deputetëve të mazhorancës kundër autorizimit për arrestimin e ish-zv.kryeministres.
Dedaj u ndal te mënyra se si po funksionon sot sipas tij politika shqiptare, ndërsa tha se karrierat shpesh nuk ndërtohen mbi meritokraci apo gara të brendshme, por mbi besnikëri dhe servilizëm brenda partive. Sipas tij, ky fenomen krijon një realitet artificial në politikë dhe dobëson standardet e përfaqësimit.
“Ne po ndërtojmë një falsitet në shoqëri dhe ky është një problem shumë i madh. Karrierat politike në Shqipëri janë ndërtuar mbi bazën e servilizmit, jo mbi bazën e temperamentit politik që mund të ketë një individ. Madje, duke parë mënyrën se si funksionojnë sot partitë politike, një njeri që ka temperament nuk ecën dot dhe nuk bashkëpunon dot. Këtë gjë ma thonë edhe demokratë të ndershëm, të cilët shohin elementë të tillë që nuk arrijnë të bashkëpunojnë”, tha ai.
Sipas tij, partitë e mëdha kanë pasur historikisht një bazë të gjerë intelektuale dhe politike, por me kalimin e kohës sistemi i brendshëm politik ka pësuar deformime.
The post Gazetari: Karrierat politike në Shqipëri ndërtohen mbi servilizëm, jo meritokraci appeared first on Euronews Albania.
Evi