QËLLOHET ME ARMË SHQIPTARI NË MES TË ATHINËS/ Detajet e para nga ngjarja e rëndë

publikuar nga s.autor, ne #AlpeNews. ora 13:14

Një 36-vjeçar shqiptar është qëlluar me armë mëngjesin e sotëm në Greqi. Ngjarja ka ndodhur në lagjen “Kerameikos” të Athinës.

Sipas mediave greke, kanë qenë 3 persona të cilët qëlluan me armë zjarri në këmbë shtetasin shqiptar.

Ky i fundit mbeti i plagosur dhe u dërgua në spital për trajtim mjekësor.
Në vendngjarje policia gjeti 6 gëzhoja. Ndërsa autori/ët janë arratisur, ndaj të cilëve kanë nisur hetimet për identifikimin dhe kapjen e tyre.

Shkaqet e ngjarjes janë të paqarta, teksa pritet të zbardhen nga hetimet dhe nga dëshmia e shqiptarit të plagosur.