Halim Berisha, dëshmitari i radhës në rastin e ish-krerëve të UÇK-së në Hagë
publikuar nga Dreni Himbeqa, ne #Albanian Post. ora 11:26
Ish-pjesëtari i Ushtrisë Çlirimtare të Kosovës, Halim Berisha, është dëshmitari i radhës i Zyrës së Prokurorisë Speciale në Dhomat e Specializuara të Kosovës në Hagë, në rastin e ish-krerëve të UÇK-së.
Ai fillimisht ishte planifikuar të dëshmojë me masa mbrojtëse, por me kërkesë të tij i janë hequr masat mbrojtëse në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.
Zyra e Prokurorit të Specializuar njoftoi se Berisha ishte intervistuar si i dyshuar në janar të vitit 2020.
Berisha është dëshmitari i 87-ti në këtë proces. Dëshmia e tij do të zgjas përafërsisht një ditë.
.dcmads { display: grid !important; width: 100% !important; justify-content: center; } .dcmads:nth-of-type(1), .dcmads:nth-of-type(2) { display: none !important; }Sipas gjyqtarit Charles Smith III, pyetjet e ZPS-së parashikohet që të zgjasin një orë, kurse ekipet e mbrojtjes dy orë për kundërpyetjet e tyre.
Berisha kishte dëshmuar edhe në rastin e Salih Mustafës.