Restaurohet “Mëngjese lufte”,filmi i Kristaq Dhamo shfaqet te Drejtoria e Arkivave
publikuar nga Fia Nelaj, ne #Euronews. ora 17:01
Në vazhdën e nismës për t’i njohur të rinjtë me të shkuarën e vendit, Kinemaja Verore e Drejtorisë së Përgjithshme të Arkivave (DPA) shfaqi filmin e radhës kushtuar Luftës Antifashiste Nacionalçlirimtare.
“Mëngjese lufte” i regjisorit Kristaq Dhamo në vitin 1971, është ekranizuar në hapësirën kulturore të DPA-së, si pjesë e repertorit të filmave të përzgjedhur për t’u shfaqur në kuadrin e Vitit Mbarëkombëtar të 80-vjetorit të Çlirimit.
Kjo nismë e DPA-së, synon të njohë veçanërisht të rinjë me kushtrimin e dëshmorëve të Atdheut nëpërmjet formave bashkëkohore dhe argëtuese.
Kinemaja Verore e DPA-së çeli siparin në muajin maj të këtij viti me shfaqjen e një prej filmave ikonikë të kinematografisë shqiptare, “Tomka dhe shokët e tij”.
Në listën e përzgjedhur të filmave që janë transmetuar deri tani, bëjnë pjesë titujt:
“Lulëkuqe mbi mure”;
“Partizani i vogël Velo”;
“Njeriu me top”;
"Gjeneral Gramafoni” .