Oficeri i CIA-s që abuzoi seksualisht me disa gra, mund të burgoset për 30 vjet
publikuar nga Klevis Hoxhaj, ne #Albanian Post. ora 22:45
Prokurorët amerikanë kanë bërë thirrje që një ish-oficer i CIA-s të burgoset për 30 vjet lidhur me akuzat për ofendime seksuale ndaj më shumë se 20 grave.
Shumë prej tyre, 48 vjeçari Brian Jeffrey Raymond, i drogoi dhe më pas i regjistroi, shkruan e përditshmja amerikane "The Washington Post”.
Ish-oficeri përballet me një seancë dëgjimore dy-ditore duke filluar nga e mërkura përpara gjykatëses Colleen Kollar-Kotelly nga Washington-i.
Në një marrëveshje të nëntorit me prokurorët, Raymond pranoi se kishte droguar 27 gra të ndryshme dhe kishte kryer akte seksuale jokonsensuale ose kontakte me 10 prej tyre.
.dcmads { display: grid !important; width: 100% !important; justify-content: center; } .dcmads:nth-of-type(1), .dcmads:nth-of-type(2) { display: none !important; }Ai gjithashtu pranoi se kishte prodhuar materiale të turpshme që përshkruanin 25 prej tyre pa dijeninë ose lejen e tyre.
Raymond, i cili punoi për më shumë se 20 vjet në qeverinë federale, u deklarua fajtor për katër nga 25 akuzat për të cilat ishte akuzuar fillimisht – duke përfshirë abuzimin seksual, kontaktin seksual abuziv, detyrimin dhe joshjen dhe transportimin e materialeve të turpshme.
Në marrëveshjen e tij për pranimin e fajësisë, ai ra dakord të paguante 10 mijë dollarë si kompensim për secilën prej viktimave të identifikuara nga dënimi dhe mbikëqyrja e përjetshme pas burgosjes.
Raymond u arrestua në San Diego në tetor të vitit 2020 dhe është mbajtur në një burg të Washington-it për më shumë se katër vjet.
Ai u deklarua fajtor për akuzat federale për abuzim seksual dhe transportimin e materialeve të turpshme në vitin 2021, përpara se të tërhiqte pranimin e tij me arsyetimin se mbrojtja e tij nuk arriti të hetonte nëse zbatimi i ligjit shkeli të drejtat e tij kushtetuese.
Kjo, pasi ai u vu nën presion për t`u dhënë agjentëve kodet e telefonave të tij. Ish-oficeri arriti një marrëveshje të re për pranimin e fajësisë me avokatin e ri vjeshtën e kaluar.